2016-2018 pilersaarut

Suliffigissaaneq pillugu siunnersuisoqatigiit tassavoq oqalliffiusoq, suliffeqarfiit Kalaallit Nunaanni suliffigissaarnissaq anguniarlugu sunneqataallutillu suliniaqataasut.

Suliassat

Suliffigissaaneq pillugu siunnersuisoqatigiit Kalaallit Nunaanni suliffimmii pissutsit pillugit ilisimasat annertusarnissaanut peqataavoq. Suliffigissaaneq pillugu siunnersuisoqatigiit nammineerlutik suliffimmi pissutsit pillugit apeqqutinik beskæftigelsesministerimut, Naalakkersuisut aamma Sullivinni Nakkutilliisoqarfimmut oqaaseqaatiliorsinnaapput. Aammattaaq Suliffigissaaneq pillugu Siunnersuisoqatigiit inatsisitigut allannguiniarnerit suliallu ataasiakkaat pillugit, saqqummiussassatut beskæftigelsesministerimut, Inatsisartunut imaluunniit Sullivinni Nakkutilliisoqarfimmut oqaaseqaatiliorsinnaallutik. Suliffigissaaneq pillugu Siunnersuisoqatigiit suliffimmi pissutsinut pillugit naammagittaalliuutit oqaaseqaatiliorfigisarpai.

Pilersaarusiukkamik anguniakkat

Suliffigissaaneq pillugu Siunnersuisoqatigiit ilisimaneqarfigerusuppaat oqallittarfittut, suliffeqarfiit assigiinngitsut ilisimasaminnik suliffimmii pissutsit pillugit avitseqatigiiffissatut, ilaatigut soorlu innuttaasuni suliffimmi pissutsit pillugit oqallinnerni peqataanikkut aammalu suliffimmi pissutsini naleqquttunut paasissutissiinikkut.

Suliffigissaaneq pillugu Siunnersuisoqatigiit Kalaallit Nunaanni suliffimmi pissutsinut politikkimut politikkikkut sunneeqataaniarnini qaffassarniarlugu soorlu ilaatigut politikkikkut ajornartorsiutinik pisoqartillugu eqeersimaniaqataanikkut, Suliffigissaaneq pillugu Siunnersuisoqatigiit politikkikkut soqutigisarissavaa siunnersuisoqatigiit/suliffeqarfiit isumaat malillugit aammalu anguniarlugit Kalaallit Nunaanni suliffimmi pissutsinut politikkimut sunneeqataanissaq sulisitsisunut sulisunullu iluaqutaasussamik.

Suliffigissaaneq pillugu Siunnersuisoqatigiit inatsisit malittarisassat nutaat suliallu ataasiakkaat pillugit siunnersuisoqatigiit oqaaseqaatiliortassapput. Aammalu Suliffigissaaneq pillugu Siunnersuisoqatigiit Suliffeqarfinnik Nakkutilliisoqarfimmut naammagittaalliuutit beskæftigelsesministeriamut aalajangiussassanngorlugu nassiutinnginnerani oqaaseqaatiliarisassavaat.

1. Kalaallit Nunaanni suliffimmi pissutsit pillugit ilisimasat qaffassarnissaat

Kalaallit Nunaanni suliffimmi pissutsit pillugit siammarterinissamut Suliffigissaaneq pillugu Siunnersuisoqatigiit pilersaarusiukkamik ukua anguniarpaat:

  • Suliffigissaaneq pillugu Siunnersuisoqatigiit innuttaasut akornanni ersarinnerulerniarpoq
  • Suliffigissaaneq pillugu Siunnersuisoqatigiit sulissutiginiarpaa, siunnersuisoqatigiip silammut attaveqarnera pilersaarusiukkamik attaveqarfiginiakkanut aalajangersimasunut toqqaannarnerusumik suliffeqarfiit suliffigisaata avatangiisii pitsanngorsarniarlugit
  • Suliffigissaaneq pillugu Siunnersuisoqatigiit susassareqatigiinnut suleqatigiinnerit qaffassarniarpaat ilisimasanik avitseqatigiinnissaq anguniarlugu (ass. Tarnikkut suliffimmi pissutsit)
  • Suliffigissaaneq pillugu Siunnersuisoqatigiit tapersersuiniarpoq, suliffimmi pissutsit ajornarsiutit pingaarnernut misissuinerit aallartinneqassasut
  • Suliffigissaaneq pillugu Siunnersuisoqatigiit aaqqissuiniarpoq suliffimmi pissutsit ajornartorsiutaasut pillugit aaqqiiniarnerit.

Taakkua pilersaarusiornikkut anguniakkat anguniarlugit Suliffigissaaneq pillugu Siunnersuisoqatigiit soorlu imak iliorniarpoq:

Siunnersuisoqatigiit attaveqartariaasaa nutarterlugu aamma nittartakkap imaa nutarterlugu. Aammalu siunnersuisoqatigiit suliffimmi pissutsit aviisimi ilanngutassiariniarpaat aammalu oqallitassatut paasissutissatullu tigoriaannanngorlugu.

Suliffigissaaneq pillugu Siunnersuisoqatigiit ukiumut ataasiaq aalajangiisassaaq, misissuinernik ingerlasoqarnersoq Suliffigissaaneq pillugu Siunnersuisoqatigiillu kissaatigineraa Suliffimmi pissutsinut nersornaammik tunisisoqassanersoq.

Suliffigissaaneq pillugu Siunnersuisoqatigiit misissuinerni suliat ingerlanerini malinnaatitsisassaaq Suliffigissaaneq pillugu Siunnersuisoqatigiit Suliffimmi pissutsit pillugit nersornaammik tunineqarnikunik.

Aammalu Suliffigissaaneq pillugu Siunnersuisoqatigiit piumasaat naapertorlugu assigiinngitsunik aaqqissuisassaaq soorlu, ataatsimiitsitsinerit, sammisaqartitsinerit, soraarfiut nalaani ataatsimiitsitsinerit, paasititsiniaanerit allallu.

2. Suliffimmi pissutsit pillugit Kalaallit Nunaanni sunneeqataaniarneq

Suliffigissaaneq pillugu Siunnersuisoqatigiit Kalaallit Nunaanni suliffimmi pissutsinut politikki pillugu sunniinera nukittorsarniarlugu, Suliffigissaaneq pillugu Siunnersuisoqatigiit ukua pilersaarutigivai:

  • Suliffigissaaneq pillugu Siunnersuisoqatigiit sulissutiginiarpaa siunnersuisoqatigiit kalaallit suliffimmi pissutsit pillugit inatsit allanngortinneqarnerani sunneeqataaniarluni aammattaaq akisussaaffik tiguneqarniarnerani
  • Tarnikkullu suliffimmi pissutsit pillugit politikki oqallisigisassanngortinniarlugu
  • Sulissutigalugu Suliffigissaaneq pillugu Siunnersuisoqatigiit pitsaanermik aningaasaliiffigineqartarnera

Pilersaarusiat anguniarlugit Suliffigissaaneq pillugu Siunnersuisoqatigiit iliuuseriniarpai.:

Naalakkersuisut aamma Inatsisartut Inuussutissarsiornermi ataatsimiititaliai attaveqarfigalugit aamma paasissutissat maannamut Kalaallit Nunaanni Sullivinnik Nakkutilliisoqarfiup tiguneqarnissaanut suliat pissarsiaralugit taavalu siunnersuisoqatigiit taassumunnga suliamut immersueqataallutik.

Tarnikkut suliffimmi pissutsit politikkikkut oqallissutissatut sallinngorsarlugu. Siullermik Suliffigissaaneq pillugu Siunnersuisoqatigiit sulissutiginiarpaa tarnikkut siliffimmi pissutsinik suliaqartut ataatsimeeqatiginissaat, tassumanilu ilisimasallit naapeqatigiitsillugit. Aammattaat siunnersuisoqatigiit oqartussanik/susassareqatigiinnik saaffiginninniarpoq aaqqissuussinerit suliassanngortitsinerillu nukittorsarniarlugit.

Suliffigissaaneq pillugu Siunnersuisoqatigiit pilersaarut 2016-2018 pitsanngorsarlugu ingerlappaa
Suliffigissaaneq pillugu Siunnersuisoqatigiit pilersaarummi suliassaq inerisarnikoq takuneqarsinnaavoq, siunnersuisoqatigiit tulleriiaarineri, suliaqarneri iliuusaallu ersarinnermik takuneqarsinnaavoq.


1. Suliffigissaaneq pillugu Siunnersuisoqatigiit suliassaat Kalaallit Nunaanni suliffimmi pissutsit pillugit inatsimmiipput (nalunaarut nr. 1048 26. oktoberi 2005 allanngortinneqarnikoq. inatsit nr. 1382 23. decemberi 2012).